Zbulimi i bustit romak në Apolloni bën jehonëTIRANË-Arkeologët shqiptarë ekspozuan sot në kryeqytet bustin e atletit të panjohur, që u zbulua disa ditë më parë në qendrën histroike të Apollonisë, pranë Fierit. Vepra mendohet se i përket gjysmës së dytë të shekullit të dytë pas erës së re ka bere jeohen te madhe mediatike ne mbare Boten. Busti po studiohet me kujdes nga ekspertët për vlerat e mëdha artistike dhe historike. Vepra nuk ka asnjë dëmtim fizik dhe është gjetur e plotë dhe e ruajtur mirë, ashtu siç është ekspozuar në Apolloni mbi 18 shekuj më parë
I pranishëm në ekspoze dhe kryeminsitri Sali Berisha. “Skulptura e zbuluar së fundi në Apolloni është dëshmi e përjetësisë së kombit shqiptar, një përjetësi e bazuar në vlera të qytetërimit perëndimor”, tha sot Kryeministri Sali Berisha, gjatë vizitës në Qendrën Arkeologjike në Tiranë, ku janë ekspozuar objektet e zbuluara së fundi në qytetin antik të Apollonisë në Fier, gjatë një ekspedite të përbashkët shqiptaro-franceze.

Duke parë nga afër skulpturën që mendohet të jetë portreti i një aristrokrati dhe i përket gjysmës së II të shekullit II Pas Krishtit, Kryeministri vlerësoi se “është një kryevepër e gjenisë krijuese në skulpturë të të gjitha kohërave”.

Në datën 13 gusht 2010, në sektorin e vilave romake në Apolloni, një ekspeditë shqiptaro-franceze zbuloi një statujë mermeri pothuajse të padëmtuar, e cila klasifikohet se i përket periudhës romake, pavarësisht se është një model helenistik.

Zbulimi I bustti bëri jehonë të madhe në mediat e huaja. Italiania Repubblica vlerësoi nëpërmjet fotove se busti I përket një atleti romak dhe se u zbulua në jug të Shqipërisë nga një ekspeditë shqiptaro-franceze që që janë vënë në kërkim të mbetjeve romake në zonën shqiptare.
Për vepren sot u bë jehonë dhe tek Zëri I Amerikës që vlerësoi vlerat e rralal që mbart kjo vepër antike.
Qyteti antik i Apollonisë është shpallur park arkeologjik kombëtar në vitin 2006. Sipas statistikave zyrtare, gjatë vitit të kaluar parku i Apollonisë është vizituar nga 32 mijë vizitorë vendas e të huaj, ndërkohë që sipas shifrave të këtij gjashtëmujori parashikohet të ketë një rritje prej 18 për qind të numrit të vizitorëve.

Burimi: BalkanWeb.com